إزاي أبحث عن الفيديوهات على يوتيوب بدقة؟

Sep. 16, 2018 - اعرف بنفسك
إزاي أبحث عن الفيديوهات على يوتيوب بدقة؟
إزاي-أبحث-عن-الفيديوهات-على-يوتيوب-بدق
الإدعاء

- أحيانا بنبقى عاوزين نبحث عن فيديوهات على يوتيوب في فترة زمنية مُحددة، وكمان بنبقى عاوزين ده من مكان محدد بعينه مش مجرد سيرش عام ممكن نتوه في نتايجه، وأحيانا ده بيسبب لنا إحباط لأننا مش عارفين نلقى اللي بندور عليه بسهولة. - عشان كده أداة "YouTube Geofined"، متقسمة بشكل بسيط سهل الاستخدام. في يمين موقع الأداة فيه 3 تقسيمات رئيسية، يعني ممكن تبحث عن شىء حسب المكان أو قناة معينة موجودة على يوتيوب حابب تشوف أرشيفها في وقت معين في بالك، أو حسب الموضوع اللى بتدور عليه نفسه. - بجانب خريطة في واجهة موقع الأداة بتستعرض لك النتائج، فمثلا كمان لو اخترت تعمل تسيرش حسب المكان (حتى لو كان اسم ضاحية أو شارع في مدينة)، هتلقى تقسيمات فرعية، زي إنك تحدد اسم المكان بالظبط، ونطاق البحث اللى بتدور فيه (دايرة قطرها كام كيلومتر)، اسم الشىء اللي بتدور عليه، والبحث عن النتائج (سواء من حيث ترتيبا الزمني ولا عدد المشاهدات ولا أكثر تفاعلا معها). - وممكن تختار إذا كنت عاوز تبحث عن شىء خلال آخر 24 ساعة بس ولا حابب تختار مدة زمنية تحددها بنفسك. وكمان تقدر تحدد عدد صفحات النتائج اللى عاوزها تظهر لك في موقع الأداة من تحت. - وفيه خاصية السيرش المتقدم اللى بيتيح لك تبحث عن فيديوهات مثلا بجودة عالية أو الفيديوهات اللى متصنفة كمشاع إبداعي بحيث تقدر تستخدمها في أي منتج ليك أو اللى كانت عبارة عن فيديوهات بث مباشر لحدث حي.

نتيجة التحري

المصادر

مراجع التحقق