زائف


– الكلام ده غير صحيح، الفيديو عن مشاهد تجميعية لآثار سقوط الثلج من أماكن وسنوات مختلفة حول العالم، يعني مش من أستراليا والكلام ده محصلش امبارح.✅✅ – خلال بحثنا عن حقيقة الفيديو، لاحظنا مثلا إن أول 27 ثانية من الفيديو كانت لسقوط كرات ثلج كبيرة في مدينة اسمها “Almazan” اللي مكانها في شمال أسبانيا.. وده …


حقيقة فيديو الدمار الهائل لكرات الثلج في أستراليا

Nov. 08, 2018 - علوم
حقيقة فيديو الدمار الهائل لكرات الثلج في أستراليا
حقيقة-فيديو-الدمار-الهائل-لكرات-الثلج
الإدعاء

- على مدار يومين بيتم تداول كثيف لفيديو نشرته صفحة قالت إنه كرات ثلج بحجم كرة التنس اتسببت في دمار هائل، وإن الكلام ده حصل في "أستراليا" يوم الإتنين اللي فات.

نتيجة التحري

– الكلام ده غير صحيح، الفيديو عن مشاهد تجميعية لآثار سقوط الثلج من أماكن وسنوات مختلفة حول العالم، يعني مش من أستراليا والكلام ده محصلش امبارح.✅✅

– خلال بحثنا عن حقيقة الفيديو، لاحظنا مثلا إن أول 27 ثانية من الفيديو كانت لسقوط كرات ثلج كبيرة في مدينة اسمها “Almazan” اللي مكانها في شمال أسبانيا.. وده حصل في يوليو 2017.

– أما المشهد اللي بعده اللي فيه شخص سايق عربيته على طريق وقت سقوط التلج، فده من إسبانيا برضو للحظات اللي وثقها صاحب العربية في مايو 2015 قرب مدينة في جنوب شرق أسبانيا، اسمها Murcia.

– وكمان المشاهد من الدقيقة 1:12 للدقيقة 1:35 دي اتصورت في أبريل 2016 بمدينة اسمها Wylie في ولاية تكساس الأمريكية.

– وفيه صورة في الفيديو لشخص يحمل قطعة ثلج وبيقارنها مع كرة تنس اتنشرت أول مرة على الإنترنت في 26 يوليو 2012.. الصورة من كندا.

– وكمان صورة لزجاج سيارات كتير متكسر (آخر الفيديو)، دي من ولاية نبراسكا، منشورة أول مرة في يونيو 2014.

– يعني من واقع بحثتنا عن حقيقة الفيديو كل الوقائع بتقول إنه الفيديو عبارة عن مشاهد مجمعة قديمة ومش من أستراليا (عدا صورة واحدة فقط من مدينة ملبورن – مارس 2010 – اللي ظاهر فيها قطع تلج على عشب أخضر في آخر الفيديو).