حقيقة رسالة المذيعة كريستيان بيسري إلى شاب يمني غازلها
– بوست منتشر بشكل كبير جدًا (إحدى نسخه واخده 27 ألف شير و141 ألف ريأكت)، بيقول: “شاب يمني إسمه عمر العمودي قرر يبعت رسالة غزل للمذيعة المشهورة كريستيان مذيعة قناة الحدث وفوجئ تاني اليوم إن المذيعة ردت عليه برسالة أطول من رسالته”، وبعدها مكتوب نص طويل للرسالة والرد المذيعة.
– الكلام ده غير صحيح. الشاب اليمني عمر العمودي بعت رسالة للمذيعة كريستيان بيسري، لكن “بيسري” مردتش على الرسالة بالكلام المكتوب ده، ده صديق للشاب العمودي اسمه “سلمان القباتلي” رد عليه بلسان المذيعة. 
– الموضوع بدأ في يونيو 2019 لما بعت الشاب اليمني عمر العمودي رسالة غزل للمذيعة كريستيان بيسري، ووقتها كريستيان عملت ريتويت للرسالة بدون تعليق عليها، وفي شهر يوليو 2019 قام صديق للعمودي اسمه “سلمان القباتلي” بالرد عليه باعتباره كريستيان.
– الرسائل دي تم تداولها بشكل كبير جدًا في أغسطس 2019، وبعض المواقع الصحفية نشرتها باعتبارها حقيقية، ما دفع القباتلي إلى كتابة بوست للتأكيد إن هو الكاتب الحقيقي لرسالة الرد وليس المذيعة المعروفة.
