انتشر، أمس السبت 21 يناير 2023، فيديوهات وصور كتير لسحابة ضخمة دائرية الشكل ولونها أحمر، ظهرت في سماء مدينة بورصة في تركيا.
وعشان كتير من الناس استغربوا شكل السحابة، والبعض شبهها بإنها طبق طائر أو جسم فضائي غريب، هنوضح في البوست ده إيه هي السحابة دي؟ وإيه الظواهر الطبيعية اللي أدت لظهورها بهذا الشكل؟
# إيه اسم السحابة دي؟ وإزاي بتتشكل؟
- السحابة التي ظهرت فوق مدينة بورصة تسمى السحابة العدسية lenticular cloud لأنها تشبه شكل العدسة المحدبة.
-
عشان النوع ده من السحب يتشكل في منطقة ما، لازم تتوفر بعض التضاريس، زي وجود جبال أو تلال مرتفعة (مدينة بورصة التركية تقع في سفوح جبل أولوداغ الذي يبلغ ارتفاعه حوالي 2500 متر).
- الجبال أو التلال دي بتعوق تيارات الهواء، فيبدأ الهواء يتصاعد لأعلى فيصطدم بالهواء البارد لتتشكل السحابة، وبعدها يعود إلى الهبوط مرة أخرى. وحركة الهواء هذه مسؤولة عن شكل السحابة العدسية التي قد تبدو لنا ثابتة، ولكن بداخلها حركة الهواء لا تتوقف.
# هل ظهور السحب العدسية خطر؟
- النوع ده من السحب قد يكون خطر على حركة الطيران، لذلك يتفادها الطيارون أثناء الرحلات الجوية، لأنه في وقت تكوين هذه السحب يمكن أن تستمر حركة الهواء لأعلى ولأسفل مسافة 100 ميل.
- باستثناء كده، دي سحب شكلها جميل وفرصة لعشاق التصوير إنهم يلتقطوا صور لطيفة.
# هل تم رصد السحب العدسية دي قبل كده؟
- السحب العدسية ظهرت قبل كده كتير. على سبيل المثال، في سبتمبر 2021، ظهرت سحابة عدسية فوق جبل رينييه في ولاية واشنطن الأمريكية.
- وفي يناير 2021، ظهرت سحابة عدسية فوق جبل فوجي، أعلى جبال اليابان. وقبلها في فبراير 2020، ظهرت سحابة عدسية في سماء ولاية كاليفورنيا الأمريكية بالقرب من جبل شاستا.
العربية
ENGLISH