حقيقة تصريحات الفنانة بسمة عن "رفض إرضاع ابنتها لإنها مش بقرة"

◾ دي تصريحات مجتزأة ومضللة. ✅

◾ "بسمة" تحدثت خلال لقاء تلفزيوني مع برنامج "الستات" المذاع على قناة "النهار"، في فبراير 2022، عن أفكارها تجاه الأمومة قبل الولادة وكيف تغيرت بعدها.

◾ الفنانة قالت بالنص: "أنا كنت بقولهم أنا مش هرضع، لإن أنا مش بقرة. أنا مش همارس دور البقرة في حياة حد. أنا انتهيت إن أنا رضعت سنتين طبيعي (...) أنا قعدت سنتين أرضع أون ديماند (عند الطلب) مش اللي هو كل 3 ساعات أو كل 6 ساعات، كل ما نادية (بنتها) تكون عايزة". ✅

◾ وأضافت بسمة: "كنت بقول لأ أنا مفيش عيل هينام جنبي لإن أنا بتقلب ونومي تقيل ومش عايزة. وجبت السرير وكنت عايزة من أول يوم تقعد في السرير ده، وكانت دي قناعاتي. اكتشفت إن كل ده ولا أي حاجة، وفضلت سنين ننام جنب بعض. وأدين لأبوها بالفضل إنه عرف يخليها تنام لوحدها لإن أنا معرفتش أعمل ده". ✅

◾ ووصفت الفنانة نفسها وقناعتها قبل الأمومة بإنها كانت "هبلة بريالة مدلدلة". ✅

◾ كلام بسمة ده كله تم اجتزائه في كثير من المواقع وصفحات التواصل، وصياغة عناوين مضللة منه، بهدف إثارة الجمهور وحسه على التعليق وهو ما يزيد التفاعل. وللأسف كثير من الجمهور بيكتفي بالعناوين دون الإطلاع على محتوى الأخبار لمعرفة نصوص التصريحات. ✅

◾ دي مش أول تنتشر فيها التصريحات المجتزأة والمضللة دي، دي بيتم تداولها كل فترة منذ فبراير 2022، وسبق وقمنا في #متصدقش بالرد عليها. ✅