كيف تجري بحثًا دقيقًا عبر Tweetdeck؟

– عادة بتستخدم أداة Tweetdeck في إدارة حسابات المؤسسات والمواقع الإخبارية على تويتر، لكن بجانب إتاحتها للتحكم والبث من خلالها، فهي كمان وسيلة مناسبة جدًا للبحث واكتشاف المحتوى بشكل دقيق ومنظم، وبالتالي هي مفيدة مش بس للصحفيين لكن كمان للباحثين أو الأشخاص العاديين المهتمين بفهم طبيعة الأحداث اللي بتحصل حواليهم.

– بعد ما تستخدم أوبشن السيرش من خلال الأداة، بتظهر لك نافذة منفصلة خاصة بعرض نتائج الموضوع اللي بتبحث عنه (سواء، كلمة بسيطة، أو هاشتاج). ولما تضغط على الأيقونة بجانب مساحة السيرش هتلاحظ إنه اتفردت ونزل تحتها تقسيمات مختلفة بتساعدك على فلترة النتائج، حسب نوع المحتوى اللي أنت محتاجه والمكان، أو مصدر التغريدة أو حجم التفاعل،

– وهنا، هنشرح التقسيمات دي واحدة واحدة وأهميتها في السيرش، مثلا لو عاوز تفلتر النتائج حسب نوع المحتوى (Tweet content)، هتلاحظ إنك ممكن تحدد أي نوع من التغريدات عاوز تشوفها في النتائج، سواء كانت صور بس أو فيديو أو بث حي أو تغريدات فيها نصوص مكتوب ولا فيها روابط لمواقع أخبار أو حتى GIFS. وخلال التصنيف ده ممكن تحدد وقت معين للسيرش، ولغة التغريدات.

– تاني تقسيمة خاصة بالسيرش حسب المكان، يعني لو بتدور على التغريدات الصادرة من مكان بعينه زي السودان مثلا، تقدر تحدد قطر دايرة البحث بالكيلومتر، وكل ما تغير ده كل ما النتائج بتزيد أو تنقص.

– تقدر تبحث في التغريدات اللي كتبها حساب معين. وكمان تقدر تحدد له أنت عاوز أي تغريدات من حيث حجم التفاعل، يعني تقدر تكتب أنت محتاج مثلا التغريدات فقط اللي عدد الريتويت لها لا تقل عن 20 ريتويت و15 فيفوريت أو التغريدات اللي الناس كتبت ردود عليها.