زائف


– الكلام ده غير صحيح. الحكومة نفت الكلام ده أكثر من مرة، آخرها في يونيو الماضي، ووقتها قال البنك المركزي “لا صحة لإصدار أي ورقة نقدية فئة 500 أو 1000 جنيه، ودي شائعات تستهدف إثارة البلبة” ✅✅ – لو دققنا في الصور المتداولة هنلاقي الورقة فئة 500 مكتوب عليها “هشام رامز” وده محافظ البنك المركزي …


حقيقة إصدار عملات جديدة فئة 500 و1000 جنيه

Jul. 29, 2019 - سياسي
حقيقة إصدار عملات جديدة فئة 500 و1000 جنيه
حقيقة-إصدار-عملات-جديدة-فئة-500-و1000-جنيه
الإدعاء

- مرة تانية، صور منتشرة لعملات نقدية فئة 500 و100 جنيه، مع تعليق: "تم تنفيذ العملات الجديدة وأول صرف في أكتوبر المقبل".

نتيجة التحري

– الكلام ده غير صحيح. الحكومة نفت الكلام ده أكثر من مرة، آخرها في يونيو الماضي، ووقتها قال البنك المركزي “لا صحة لإصدار أي ورقة نقدية فئة 500 أو 1000 جنيه، ودي شائعات تستهدف إثارة البلبة” ✅✅

– لو دققنا في الصور المتداولة هنلاقي الورقة فئة 500 مكتوب عليها “هشام رامز” وده محافظ البنك المركزي السابق، المحافظ الحالي هو طارق عامر. أما الورقة فئة 1000 فمكتوب عليها “فاروق العقدة”، وده محافظ البنك المركزي قبل 2013.

– صورة الورقة فئة 500 تصميم كان ضمن حملة “مش رسمية” لتصميم أشكال جديدة للعملات المصرية على صفحة Egyptian Currency Design Challenge. الحملة شارك فيها كتير من المصممين اللي قدموا شكل جديد للعملات الحالية، وأضافوا عملات جديدة زي الـ٥٠٠ جنيه.

– أما صورة الورقة فئة 1000 فواضح إنها فوتوشوب معمول على ورقة 200 جنيه.

– دي مش أول مرة تنتشر فيها الإشاعة دي، سبق وانتشر قبل أكتر من مرة وعملنا عنها أكتر من بوست.