زائف


– الكلام ده غير صحيح. الفيديو مقتطع من سياقه. الفيديو الكامل بيوضح إن الرئيس السيسي كان بيتكلم عن الحروب الحديثة وسقوط الدول في المنطقة.✅✅ – السيسي كان بيتفقد الأنشطة التدريبية لطلبة الكلية الحربية في سبتمبر 2015، ووقتها توجه بالكلام للطلاب واتكلم عن “هد الدول” و”الجيل الرابع من الحرب”، وقال: “محدش يقدر يدمر الدول بالشكل اللي …


حقيقة تصريحات السيسي عن انتحار المصريين

Dec. 12, 2019 - سياسي
حقيقة تصريحات السيسي عن انتحار المصريين
حقيقة-تصريحات-السيسي-عن-انتحار-المصري
الإدعاء

- أحمد منصور نشر تغريدة على "تويتر" فيها مقطع فيديو للرئيس السيسي بيقول فيه: "ناس بتنتحر هنعملهم إيه؟"، وعلق عليه: "#السيسى تعليقا على تفشى ظاهرة الإنتحار بين المصريين بسبب الفقر والبؤس والظلم يقول :" ناس بتنتحر هنعمل لهم إيه " وكأنه يقول للشعب اللى عايز ينتحر ينتحر ... أترك لكم التعليق على هذا الحاكم ومستواه وما أوصل اليه المصريين".

نتيجة التحري

– الكلام ده غير صحيح. الفيديو مقتطع من سياقه. الفيديو الكامل بيوضح إن الرئيس السيسي كان بيتكلم عن الحروب الحديثة وسقوط الدول في المنطقة.✅✅
– السيسي كان بيتفقد الأنشطة التدريبية لطلبة الكلية الحربية في سبتمبر 2015، ووقتها توجه بالكلام للطلاب واتكلم عن “هد الدول” و”الجيل الرابع من الحرب”، وقال: “محدش يقدر يدمر الدول بالشكل اللي بنشوفه ده.. خلوا بالكم من الكلمة دي كويس، محدش يقدر في حرب يقوم يضرب دولة ويهد فيها زي اللي بيحصل في الوقت ده، إلا إذا كانت الدولة بتضرب نفسها.. إلا إذا كانت الدولة إيه؟ ناس بتنتحر هنعملهم إيه؟”. وزي مهو واضح سياق الكلام مختلف تمامًا عن اللي بيقوله أحمد منصور.✅✅