زائف


– البوست مفبرك. الدكتورة سعاد صالح مقالتش كده، وجريدة الوطن منشرتش الخبر ده. ✅✅ – كمان لو أخدنا بالنا هنلاقي فونت الخط مش هو المستخدم في تصميمات جريدة الوطن، وكمان الكلام في أخطاء إملائية قليل لما يقع فيها موقع صحفي، زي “خطيبتة” بدل “خطيبته” و”شرعا” بدل “شرعًا”. – اللي فبرك التصميم بيحاول يستغل الخلفية الفكرية …


حقيقة تصريحات سعاد صالح عن بوس الخاطب لخطيبته

Dec. 07, 2018 - اجتماعي
حقيقة تصريحات سعاد صالح عن بوس الخاطب لخطيبته
حقيقة-تصريحات-سعاد-صالح-عن-بوس-الخاطب-ل
الإدعاء

- تصميم منتشر عليه لوجو جريدة الوطن وصورة الدكتورة سعاد صالح، أستاذة الفقه المقارن بجامعة الأزهر، ومكتوب عليها: "بوس الشاب لخطيبتة يجوز شرعا في حالة الصلح بعد الخصام"، وتعليق: "وإيه تاني يا حاجة سعاد

نتيجة التحري

– البوست مفبرك. الدكتورة سعاد صالح مقالتش كده، وجريدة الوطن منشرتش الخبر ده. ✅✅

– كمان لو أخدنا بالنا هنلاقي فونت الخط مش هو المستخدم في تصميمات جريدة الوطن، وكمان الكلام في أخطاء إملائية قليل لما يقع فيها موقع صحفي، زي “خطيبتة” بدل “خطيبته” و”شرعا” بدل “شرعًا”.

– اللي فبرك التصميم بيحاول يستغل الخلفية الفكرية للناس عن الدكتورة سعاد، عشان تصريحاتها السابقة اللي قالت فيها: “في آراء فقهية في المذاهب الفقهية بتقول إن للخاطب الحق في إنه يشوف من خطيبته شعرها وذراعيها وساقيها، وهذا الرأي عند الحنابلة، وهو رأي مشهور عند الحنابلة، لكن الجمهور قال لأ وجهها ويديها بس ومنعوا الشعر والساقين، لكن أنا مع رأي الحنابلة اللي بيقول في هذه الجلسة التي تجلس فيها مع هذا الخاطب ومع أهلها، ولا يوجد خلوة، فإن من حقها ومن حقه أن تبدي شعرها وساقيها”، وده بحسب كلام الدكتورة سعاد صالح، أستاذ الفقه المقارن بكلية الدراسات الإسلامية والعربية بنات القاهرة، جامعة الأزهر.