زائف


– الكلام ده مش صحيح، الواقعة دي قديمة من أكتوبر اللي فات خلال زيارة رئيس الوزراء لمستشفى بورسعيد. واللي ظاهرين في الصورة دول مريضين يقومان بالغسيل الكلوي منذ سنوات. ✅✅ – نفس البوست ده انتشر قبل كده في أكتوبر الماضي، ووقتها المستشار الإعلامي لرئيس الوزراء، هاني يونس، نشر التقارير الطبية لحالة المريضين، وقرارات علاجهما على …


حقيقة صورة المرضى الوهميين خلال زيارة رئيس الوزراء لأحد المستشفيات

Apr. 04, 2019 - سياسي
حقيقة صورة المرضى الوهميين خلال زيارة رئيس الوزراء لأحد المستشفيات
حقيقة-صورة-المرضى-الوهميين-خلال-زيارة
الإدعاء

- صورة منتشرة بشكل كبير جدًا من زيارة رئيس الوزراء مصطفى مدبولي لإحدى المستشفيات، ومكتوب عليها "بتاع الإسعاف نسى يغير لبسه !!"، باعتبار إن الموجودين على السراير عمال إسعاف بيمثلوا إنهم مرضى خلال وجود رئيس الوزراء

نتيجة التحري

– الكلام ده مش صحيح، الواقعة دي قديمة من أكتوبر اللي فات خلال زيارة رئيس الوزراء لمستشفى بورسعيد. واللي ظاهرين في الصورة دول مريضين يقومان بالغسيل الكلوي منذ سنوات. ✅✅
– نفس البوست ده انتشر قبل كده في أكتوبر الماضي، ووقتها المستشار الإعلامي لرئيس الوزراء، هاني يونس، نشر التقارير الطبية لحالة المريضين، وقرارات علاجهما على نفقة الدولة منذ سنوات، الصادرة عن المجالس الطبية المتخصصة.
– كمان شقيق واحد من المرضى اللي في الصورة، كتب في حسابه على فيسبوك يأكد إن أخوه هو الموجود في الصورة، وإنه مريض بالكلى وبيغسل في المستشفى الأميري من 3 سنوات، وإنه بلا عمل لإنه مبيقدرش يشتغل من المرض.

– بالإضافة لده، الدكتور عادل تعيلب، وكيل وزارة الصحة في محافظة بورسعيد، أمد موقع صدى البلد بصورة من التقارير الطبية، وبطاقة الرقم القومي للمريضين (مكتوب في الوظيفة لواحد حاصل على دبلوم صنايع، والتاني عامل زراعي)، وأكد على إنهما يقومان بالغسيل الكلوي في المستشفى منذ سنوات.