حقيقة فيديو ضرب طائرات مصرية سفينتي أسلحة في ليبيا

– الكلام ده غير حقيقي،الفيديو لإغراق سفينة حربية أمريكية قديمة عمرها 25 سنة واسمها (USS Racine)، من تدريبات عسكرية مشتركة بين أمريكا واليابان بتحصل كل سنتين، اسمها (RIMPAC)، وكانت أخر مرة قرب جزيرة Kauai الأمريكية في هاواي 12 يوليو 2018.✅✅

– كمان في بوستات منتشرة عن نفس القصة كان فيها صورة “ليلية” لطائرة حربية، لكن الصورة دي مش من مصر، ومالهاش علاقة حتى بالكلام اللي في البوست، الصورة خاصة بلحظة هبوط مقاتلة في قاعدة “أكرثري” العسكرية البريطانية في قبرص في أبريل الماضي، خلال الضربات الأمريكية والبريطانية والفرنسية لأهداف تابعة للنظام السوري.

– بالنسبة لنص البوست المتداول مع الفيديو والصورة فهو مأخوذ نصًا (مع تغييرات طفيفة) من خبر قديم على موقع شبكة “سبوتنيك”، كان منشور في 20 يوليو 2015، وكان بتكلم عن إن سلاح الجو “الليبي” مش “المصري” هو اللي فجَر السفينتين. وكان الخبر خالي من أي مادة مصورة.