حقيقة فيديو ظهور كوكب قريب من الأرض في مكة

– الكلام ده غير صحيح. ده مقطع فيديو موجود على يوتيوب من سنة 2017، وهو رسم كمبيوتر مش مقطع حقيقي.✅✅

– الفيديو الأصلي طوله 26 ثانية، لكن شخص ما اخذه وحطه في بث مباشر من صفحة على فيسبوك وركب عليه مقطع صوتي، وقعد يكرر فيه كتير (لمدة ساعتين) عشان يبان إنه حقيقي.✅✅

– الفيديو ده أثار ضجة كبيرة سنة 2017 (حصل على 40 مليون مشاهدة وأكثر من مليون شير في بوست واحد)، ومع انتشاره اتقال إنه كوكب نيبيرو اللي بيؤمن بوجوده بعض الناس، واللي بيعتقدوا إنه هيصطدم بالأرض ويؤدي إلى فنائها. ✅✅

– فيسبوك صنف الفيديو باعتباره “مزيف”، بعد تدقيق مواقع كشف الأخبار المفبركة فيه.

– رغم أن مقطع الفيديو ده مش معروف مين نشره، لكن في دلائل كتير إنه عبارة عن رسوم متحركة:⬇⬇

– يمكن صنع مقطع زي ده عن طريق برنامج الرسوم المتحركة المعروف Blender. (مقطع مشابه في أول كومنت).

– مفيش أي نسخة تانية للفيديو من زاوية تانية، وكمان لو اخدنا بالنا هنلاقي في عربية بتتحرك في الفيديو بشكل طبيعي ولا كإن في حاجة جنبها.✅✅

مفيش أي جهة علمية اتكلمت عن الفيديو أو سجلته، رغم إنه لو حقيقي أكيد كان مئات الجهات هتسجله وهيبقى موضع للتدقيق والتحليل.✅✅

– المملكة العربية السعودية أعلنت إعادة فتح الحرم المكي بعد أن كانت أغلقته لتعقيمه، وحاليًا البث المباشر من المسجد الحرام بيظهر وجود زائرين بيطوفوا حول الكعبة وإن كان أعدادهم بسيطة وتم وضعهم على مسافة بعيدة من الكعبة.