حقيقة فيديو وحيد القرن يتجول في شوارع القاهرة

Sep. 30, 2019 -  منوعات
حقيقة فيديو وحيد القرن يتجول في شوارع القاهرة
حقيقة-فيديو-وحيد-القرن-يتجول-في-شوارع-ا
الإدعاء

- فيديو منتشر بشكل كبير جدًا باعتباره من مصر لاثنين من وحيدي القرن ماشيين في أحد الشوارع، وفي ناس بتتكلم عربي بلهجة مصرية في الفيديو، ومتعلق عليه: "وحيد القرن في شوارع القاهره مصر بتقف

نتيجة التحري

– الكلام ده غير صحيح. الفيديو من قرية اسمها سوراها في دولة نيبال، مش في مصر.✅✅

-قرية “سوراها” تقع قرب محمية شيتوان الوطنية في نيبال، وهي محمية بيعيش فيها عدد ضخم من الحيوانات والطيور، وبتشتهر بوجود حيوان وحيد القرن فيها.

– وحيد القرن ممكن يخرج من المحمية ويمشي في الأماكن المحيطة وأقربها قرية سوراها اللي اشتهرت بالموضوع ده، وفي عشرات الفيديوهات لحيوان وحيد القرن وهو بيتجول في القرية، وبعضها في نفس الشارع الموجود في الفيديو اللي بيتقال إنه مصر.

– يبدو إن بعض المصريين كانوا في القرية وبالصدفة عدى 2 من وحيد القرن فأخدوا الفيديو، وبعض الناس تداولته باعتباره من مصر.