زائف


– الكلام ده غير صحيح. ده فيديو جرافيك تم تصميمه ببرامج تحرير وتصميم الفيديوهات والرسوم المتحركة وليس حقيقًا.✅✅


فيديو ” ظهور القمر وحجبه الشمس وغايبه في 35 ثانية” جرافيك

Jul. 17, 2022 - علوم
فيديو ” ظهور القمر وحجبه الشمس وغايبه في 35 ثانية” جرافيك
الإدعاء

– فيديو منتشر بشكل كبير جدًا للقمر وهو بيحجب الشمس بشكل سريع جدًا، مع تعليق: “‏تخيل وأنت قاعد في المكان اللي بين كندا وروسيا في القطب الشمالي يطلع فجأة القمر الصبح بحجمه الحقيقي خلال 30 ثانية ويحجب عنك الشمس بشكل تام لفترة 5 ثواني .. مشهد مبهر”. ❌❌

نتيجة التحري
– الكلام ده غير صحيح. ده فيديو جرافيك تم تصميمه ببرامج تحرير وتصميم الفيديوهات والرسوم المتحركة وليس حقيقًا.✅✅
– الفيديو صممه فنان جرافيك اسمه “أليكسي باتريف” ونشره على حسابه “aleksey__nz” على “تيك توك” بتاريخ 17 مايو 2021 (اسم الحساب اتغير حاليًا وبقى laryloo وأليكسي عمل حساب جديد) ، مع تعليق: “#القمر #الكون #2021 #أوديسا #الفضاء“، وحصل على مشاهدات ضخمة جدًا (33 مليون مشاهدة)، بعدها ناس أخدت الفيديو ونشرته باعتباره حقيقي.✅✅
– “أليكسي” يصمم فيديوهات وينشرها بشكل دوري على حساباته على منصات التواصل الاجتماعي، واللي هيدخل عنده هيلاقي مقاطع تانية كتير.✅✅
– الفيديو انتشر في أكتر من دولة، وأول من قام بتصحيحه هو حساب “HoaxEye” على تويتر، اللي بيديره الفنلندي “Janne Ahlberg” خبير تدقيق الصور والفيديوهات.✅✅
– علميًا القمر لا يمكن يقترب من الأرض بهذا الشكل. أقرب نقطة للقمر من الأرض بيكون على بُعد 363300 كيلو متر. ✅✅
– دي مش أول مرة ينتشر فيها الفيديو ده باعتباره حقيقي، سبق وانتشر قبل كده في مايو 2021، ووقتها قمنا في “متصدقش” بتصحيحه. ✅✅