تصريح السيسي بـ"تعليم طبقة وترك باقي الشعب" مُجتزأ ومضلل

التصحيح: ⬇️⬇️

 ◾ الفيديو قديم ومقتطع من سياقه بشكل مضلل. الرئيس كان بيحكي تجربة دولة تانية مش بيتكلم عن مصر. ✅

 ◾ يعود أصل الفيديو إلى عام 2016، خلال المؤتمر الوطني الأول للشباب، ومدته الأصلية حوالي 14 دقيقة، وكان السيسي يُعلق فيه على اقتراحات تطوير التعليم، وحكى أكثر من تجربة لدول أخرى في النهوض بالتعليم، لا يمكن تطبيقها في مصر، لأنها مختلفة عن هذه الدول. ✅

◾ وحكى السيسي تجارب بعض الدول، دون أن يسميها، قائلًا: "دولة من اللي إنتم بتتكلموا عليها دي عدد سكانها 2 مليون ومساحة أرضها 700 كيلو متر، وكان في عنف في إن محدش يتكلم.. أقدر أعمل أنا كده؟ حد يقبل كده لمدة 20 سنة؟.. آدي دولة، الدولة التانية اللي شوفتها قالت لأ أنا هعلم بس لحد الإعدادي مجاني، وخلت اللي بعد كده تكلفته على الأسرة.. أقدر أنا أعمل كده؟ ما دي تجربة! نقدر نعمل كده في مصر؟". ✅

◾ ثم واصل السيسي حديثه في سياق صعوبة تطبيق هذه التجربة في مصر قائلًا: "التجربة التالتة لدولة قالت لأ أنا هعمل طبقة متعلمة تعليم راقي جدًا وباقي المجتمع مش مهم، والطبقة دي هي اللي تقود المجتمع وتاخده لقدام والباقي خلاص، هي لما هتقود هتقدر تعمل نهضة والنهضة تجيب قدرة أقدر أوظفها بعد كده لباقي الناس، أقدر أعمل كده في مصر ولا لأ؟". ✅

◾ جدير بالذكر أن هذا الفيديو المجتزأ يتم تداوله منذ سنوات، وسبق وقام فريق ًمتصدقش بتدقيقه عام 2018. ✅