حقيقة تصريحات الفريق أسامة ربيع عن إيرادات قناة السويس

– الكلام ده غير صحيح. قناة السويس حققت إيرادات أكتر من 5 مليار دولار عدة مرات قبل افتتاح “مشروع قناة السويس الجديدة”، في أغسطس 2015. ✅✅
هيئة قناة السويس Suez Canal Authority
– على سبيل المثال القناة حققت إيرادات: 5.361 مليار دولار في العام المالي 2014/ 2015، و5.369 مليار دولار في العام المالي 2013/ 2014، و5.013 مليار دولار في العام المالي 2012/ 2013، و5.207 مليار دولار في العام المالي 2011/ 2012، بحسب تقارير البنك المركزي السنوية.✅✅

– كمان متوسط عدد السفن العابرة من القناة قبل افتتاح مشروع القناة الجديدة مكنش 45 سفينة زي ما قال الفريق أسامة ربيع. على سبيل المثال عام 2008 مر من قناة السويس 21 ألف و415 سفينة بمتوسط 58.6 سفينة يوميًا، وده عدد سفن أعلى من اللي مر في العام المالي 2019/ 2020، واللي كان 19 ألف و311 سفينة بمتوسط 52.9 سفينة يوميًا، بحسب التقارير السنوية اللي بتصدرها هيئة قناة السويس.✅✅

– وفي عام 2011 مر من قناة السويس 17799 سفينة بمتوسط 48.8 سفينة يوميًا، وفي سنة 2012 مر من قناة السويس 17224 سفينة بمتوسط 47.2 سفينة يوميًا، وفي 2013 مر من القناة 16596 سفينة بمتوسط 45.5 سفينة، وفي 2014 مر من قناة السويس 17148 سفينة بمتوسط 47 سفينة يوميًا.✅✅

– كمان الكلام عن إن متوسط عدد السفن اللي بتعدي من القناة يوميًا حاليًا يصل إلى 65 سفينة، ده غير دقيق. متوسط عدد السفن اللي بيعدي يوميًا من قناة السويس من سنة 2015 حتى سنة 2019، كانت بين 46 و 52.9 سفينة يوميًا.✅✅

– الكلام ده لا يمنع إن قناة السويس حققت أعلى إيرادات في تاريخها في الفترة اللي فاتت، حيث بلغت إيراداتها في العام المالي 2019/ 2020 حوالي 5.7 مليار دولار، وفي العام 2018/ 2019 حققت 5.8 مليار دولار، وفي العام 2017/ 2018 حققت 5.6 مليار دولار، لكن لم تزيد مليار دولار كما قال الفريق أسامة ربيع.✅✅

– في تطور كبير في عدد الحمولات اللي بتعدي من القناة السنوات اللي فاتت، حيث زادت من 962 مليون طن سنة 2014 إلى مليار و207 مليون طن سنة 2019، بحسب التقارير السنوية اللي بتصدرها هيئة قناة السويس.