حقيقة مشاركة شركات مصرية في بناء سد النهضة

الكلام ده غير صحيح. مفيش أي شركات مصرية بتشارك في بناء سد النهضة. ✅✅

– يشارك في بناء السد، مجموعة من شركات إيطالية وفرنسية وصينية وألمانية بمعاونة شركات إثيوبية محلية، أبرزها:
* شركة ساليني إمبريجيلو الإيطالية: المقاول الرئيسي للسد.
*شركة Studi Pietrangeli الإيطالية: الأنشطة الهندسية المتعلقة بالمشروع.
*شركة ألستوم الفرنسية: توريد توربينات ومولدات لمحطة الطاقة الكهرومائية.
*مجموعة الهندسة الميكانيكية الألمانية “فويث”: توريد توربينات للسد.
*شركة Voith Hydro Shanghai الصينية: توريد وتركيب 6 مولدات توربينية.
*شركة Power China: إنشاء مكون الهيكل الفولاذي الهيدروليكي في السد.
*شركة GE Hydro France: توريد مولدات كهربائية لتوربينات.
*مجموعة Gezhouba الصينية للبناء والهندسة.
*شركة Sinohydro Corp الصينية.
*شركة XD الصينة.
– ومن المشاركين المحليين، مصنع “ديربا ميدروك للأسمنت” المملوك لرجل الأعمال السعودي من أصل أثيوبي محمد العامودي، والمصنع يمد السد بكميات ضخمة من الأسمنت.✅✅

– كمان الصورة المنتشرة لساويرس وأبي أحمد، نشرها “نجيب” في ديسمبر 2018، في حسابه على “تويتر”، مع تعليق فيه إشادة برئيس الوزراء الأثيوبي، وأعاد نجيب نشر الصورة تاني في أكتوبر الماضي لتهنئة آبي أحمد بمناسبة فوزه بجائزة نوبل للسلام، وطالبه بالحفاظ على وعده بعدم الإضرار بحصة مصر من مياه النيل.✅✅

– المهندس نجيب ساويرس علق على الكلام اللي بيقول إن شركاته بتشارك في سد النهضة وقال: “الكلام كذب ..محدش من عندنا لا شارك ولا ممكن يشارك! الصورة صح من سنتين، زيارة لتحسين العلاقة والحث على حل توافقي لاني كنت متفائل بهذا الرجل وأنه رجل سلام لكنه جه لحد عندنا وخاب.. ولا أوراسكوم ولا المقاولين العرب شغالين.. عيب الافتراء ده.. ده لو خلص الشغل فى العالم كله محدش يشتغل فيه ده … تبقى خيانة! دي شركة إيطالي ولازم نمنعها من الشغل في مصر حتى!”.✅✅

– دي مش أول مرة تطلع إشاعة إن شركات مصرية تشارك في بناء سد النهضة، سبق وانتشر أن شركة المقاولون العرب تساهم في بناء السد، ونفينا الإشاعة دي وقتها.✅✅