حقيقة فيديو ‏إسرائيلي يطلق كلبه على فلسطيني وابنه لمنعهم من الصلاة

– الفيديو تمثيل واللي فيه مصريين، وملهوش علاقة بفلسطين وإسرائيل. ✅✅

– الفيديو منشور على يوتيوب بتاريخ 1 مارس اللي فات بعنوان “فيلم قصير/ هجوم كلب على رجل وابنه اثناء اداء الفريضة سبحان الله حدثت المعجزة”، ومدته حوالي 5 دقايق، واللي نشره قناة اسمها “ميديا الشارع” وكاتبه في تعريفها إنها “قناة تمثيل تهدف الى صنع محتوى عربى هادف”، والقناة دي ناشره فيديوهات تانية كتير بيظهر فيها نفس الأشخاص وهما بيمثلوا. ✅✅

– الشخصين اللي بيديروا القناة، واللي ظاهرين في الفيديو بيطلقوا الكلب على الشخص اللي بيمثل إنه بيصلي، هما وائل علي وعصام النمر، ولهم حسابات على فيسبوك بينزلوا فيها أخبارهم وفيديوهاتهم الجديدة. ✅✅

– اللي حصل إن حد أخد الفيديو واجتزأه عشان يقطع الجزء اللي بيظهر فيه بوضوح إن اللي بيتكلموا مصريين، ونشر إنه “إسرائيلي يطلق كلبه على فلسطيني وابنه” عشان يحصد مشاهدات كتير. ✅✅