حقيقة تحذير ناسا من كوكب سيضرب الأرض في أبريل الجاي

– الكلام ده غير صحيح. الكويكب مش هيصطدم بالأرض، وهيمر بعيد عنها بحوالي 6.2 مليون كيلو متر (أبعد 16 مرة من القمر).✅✅

– الكويكب اسمه “52768 (1998 OR2)” قطره يتراوح بين 1.8 و4.1 كيلو متر، وتم اكتشافه عام 1998، هيمر قرب الأرض (على بعد 6.2 مليون كيلو متر) يوم 29 أبريل لكنه لا يعد خطر على كوكب الأرض، بحسب وكالة ناسا الأمريكية. ✅✅

– موقع “ديلي إكسبريس” نشر تقرير عن الكويكب وناقش احتمالية الدمار اللي ممكن يعمله لو نزل على الأرض، لكنه في آخر التقرير قال إن الكوكب هيمر بعيد عننا بحوالي 6.29 مليون كيلو متر، أي بحوالي 16.36 ضعف المسافة من الأرض إلى القمر.✅✅

– بعض المواقع والبوستات اللي أخدت خبر “ديلي إكسبريس” تجاهلت الإشارة للي قاله اللي الموقع عن إن الكويكب مش هيصطدم بينا.✅✅

– مركز دراسات الأجسام القريبة من الأرض التابع لناسا، انتقد تقرير “ديلي إكسبريس” وقال إنه محذرش من الكويكب زي ما اتقال، وأكد إن الكويكب هيمر بعيد عن الأرض بـ6.2 مليون كيلو متر.✅✅

– بحسب مركز رصد الأجسام القريبة من الأرض مفيش أي كويكبات أو مذنبات من شأنها أن تؤثر على الأرض في أي وقت في المستقبل المنظور. وجميع الكويكبات المعروفة الخطرة لديها فرصة أقل من 0.01٪ للتأثير على الأرض في المائة عام القادمة.✅✅