إزاي تأمن حسابك على فيس بوك؟

الإدعاء

- النهارده، ناس كتير حول العالم، زي مصر، اتفاجئوا بخروجهم أو حصل Log out من فيسبوك، بدون سبب، لكن الشركة من دقايق أعلنت إن السبب في ده كان اختراق 50 مليون حساب، الأسبوع اللى فات، بعد ما هاكرز استغلوا ثغرة في الشبكة. - وعشان كده، فيس بوك قال في بيان رسمي إنه اضطر يعمل تسجيل خروج لجميع المستخدمين المتضررين (50 مليون حساب)، إضافة إلى 40 مليون حساب كمان كنوع من الاحتياط. يعني فيه 90 مليون مستخدم تم تسجيل خروجهم من حساباتهم، سواء على الموبايل أو الكمبيوتر. **وبالمناسبة دي، عاوزين نتكلم عن خطوات بسيطة ممكن تساعدنا في تأمين حساباتنا بشكل معقول إلى حد ما: 1) تجنب حفظ كلمات المرور على الأجهزة العامة زي مقاهي الإنترنت أو شبكات وايرلس عامة، خاصة لو مجانية كمان... معظم الناس وهي بتسجل دخول لحسابها على فيس بوك بتضغط كلمة "نعم" لحفظ الباسورد، تحت المساحة الخاصة بكلمة المرور. ماتعملش كده أبدا، لأن الباسورد هيفضل محفوظ، وأي حد هيقدر بالتأكيد يدخل لحسابك بدون أي صعوبات. 2) اعمل تسجيل خروج على الأجهزة غير المملوكة ليك عدم حفظ كلمة المرور مش الطريقة الوحيدة لمنع اختراق حسابك من الأجهزة العامة. لازم تعمل تسجيل خروج، لأنه حتى إذا قمت بقفل المتصفح بعد انتهائك من العمل، فيس بوك هيتعتبر ده جلسة تصفح مستمرة لفترة من الوقت. 3) تفعيل خاصية "التحقق بخطوتين أو Two-Factor Authentication" الخطوة دي بتضمن إنه إذا تم الدخول إلى حسابك من متصفح جديد غير معروف، وقتها هيتهم مطالبة اللى بيحاول يدخل للحساب بـ "رمز تحقق"، اللى مفروض يتبعت لك على موبايلك أو البريد الإلكتروني الخاص بك، وده ميعرفوش حد غيرك وبالتالي محدش ع الأقل يدخل لحسابك بدون علمك. ## خطوات تفعيل الخاصية: - افتح الإعدادات أو Account Settings بعدين اختار الأمان Security and Loginبعدها هتلقى تحت تصنيف login حاجة اسمها Two-Factor Authentication، وقتها اعمل تعديل أو Edit لتفعيل الخدمة وكمل باقي الخطوات بسهولة. * بعدين في أي وقت أي حد هيحاول يدخل الحساب هيطلب منه رمز الأمان للدخول للحساب، اللي مفروض يرسل في رسالة لموبايلك أو الميل. 4) تفعيل خاصية إشعارات الدخول ودي عشان لو أي حد دخل لحسابك يوصلك إشعار أو Notification يقولك إن حسابك مفتوح من حد تاني دلوقت. وده بيتم تفعيله من خلال نفس الصفحة السابقة (Security and Login) هتلقى حاجة اسمها Setting Up Extra Security، تحتها على طول هتلقى حاجة اسمها Get alerts about unrecognized logins، لما تضغط عليها هيكون عندك إمكانية إنك تشغل الميزة، وتحدد إذا كنت عاوز تتلقى الإشعارات دي على الموبايل أو الماسينجر أو الميل. 5) اختيار جهات اتصال موثوقة يعني في حالة اختراق حسابك أو عدم قدرتك على دخول حسابك، تقدر تستعيده في حالة لو حددت عدد من الأشخاص اللى أنت واثق فيهم بحيث يساعدوك في إرسال كود ليك. وده بيتم تفعيله من نفس صفحة الإعدادات أسفل Setting Up Extra Security هتلفى تحتها بيطلب منك تحدد 3 أشخاص أنت بتثق فيها وبتختارهم بمجرد ما تضغط تعديل أو Edit. 6) متابعة الجلسات أو الأجهزة النشطة من نفس صفحة الأمان، هتلقى في الأعلى حاجة اسمها (Where You're Logged In) أو من أي مكان دخلت إلى فيس بوك ومن أي جهاز، وايه الجهاز اللى داخل للحساب دلوقت. وفيها هتلقى استعراض لده، وممكن في أي وقت تعمل خروج Log out أو تحدد لفيس بوك إنك مش أنت اللى كنت فاتح في الوقت ده (Not me)، ساعتها لما بتضغط عليها بتظهر لك شاشة صغيرة بتطلب فيها تأمين حسابك. وبتمشى مع بقية الخطوات. 7) اختيار كلمة مرور قوية لحسابك حاول تختار كلمة مرور من 12 عنصر على الأقل.. وتكون متوزعة ما بين أرقام وحروف كبيرة وصغيرة، وماتكونش عبارة عن كلمات شائعة أو محتمل تخمينها زي عيد ميلادك أو اسمك أو أرقام متتالية، لأن ده سهل معرفته بسهولة. * كمان عامة لازم تغير كلمة المرور من وقت للتاني لزوم الاحتياط والأمان.  نظف المتصفح الخاص بك حاول دايما تمسح بيانات التصفح الخاصة بمتصفحك لأن معظم أنشطة الاختراق والتصيد والفيروسات بتتم من خلال ده.. ممكن تنزل أدوات لتنظيف المتصفح الخاص بك.