حقيقة إصابة ولي عهد أبو ظبي بفيروس كورونا ونقله إلى الحجر الصحي

– الكلام ده غير صحيح. مفيش أي شواهد تقول إن الشيخ محمد بن زايد بيمر بأزمة صحية، وبيقوم بأنشطة يومية عادية ومش متواري عن الأنظار.✅✅

– أول أمس حضر حفل زفاف ابن شقيقه الشيخ سعيد بن زايد، بمشاركة 46 عريسًا من أبناء الإمارات، وأمس أصدر قرار بإجلاء العالقين من رعايا الدول الشقيقة والصديقة من مقاطعة هوبي الصينية إلى الإمارات.✅✅
Sheikh Mohamed bin Zayed bin Sultan Al Nahyan
– الحساب اللي نشر التغريدة المفبركة دي بيدعي إنه لسيدة اسمها “Karen Ann caryl” وإنها باحثة ومتخصصة في الشأن اليمني والخليجي، لكن لما دورنا أكتر ورا الاسم ملقناش له أي مقالات أو أبحاث، والاسم مبيظهرش غير في مواقع مجهولة بتاخد من الحساب تغريدات معادية للإمارات وتنشرها باعتبارها صادرة من باحثة مهمة.✅✅

– لما دورنا ورا صورة الحساب وجدنا إنها ترجع إلى سيدة أمريكية اسمها “Lee Ann Dmochowski” بتعيش نيويورك وبتعمل في التسويق، ولها حسابات على لينكد إن وفيسبوك وتويتر، وده بيرجح عندنا إنه حساب مفبرك.✅✅

– كمان “بن زايد” غرد من دقايق على موقع تويتر، وقال “تلقيت اليوم اتصالا هاتفيا من الرئيس الكوري مون جاي إن..بحثنا خلاله علاقاتنا الاستراتيجية وسبل تعزيز تعاوننا المشترك في مختلف المجالات وآخر تطورات انتشار فيروس كورونا”.✅✅