حقيقة رشوة بريزنتيشن والأهلي حكام مباراة نهائي أفريقيا

– الكلام ده غير صحيح، الخطاب مفبرك.✅✅

اللي حصل إنه الخطاب المنسوب للشركة هو عبارة عن عملية تزوير للمستند تضمنت “قص ولزق” لشعار الشركة وتوقيعات مسؤوليها.

طب ازاي ده حصل وإزاي وصلنا لده؟

– ببساطة فيه أداة اسمها “Forensically”، بتقوم بتشريح الصور، بحيث تكشف هل حصلت تعديلات على الصور ولا لاء وإيه أكتر الأماكن اللى حصل فيها تعديلات.

– زي ما هو واضح في نتيجة تحليل صورة الخطاب، الأماكن المحيطة بالتوقيعات والشعار والمبلغ المالي والمربع المحيط بالطرف المرسل له الخطاب، هي أكتر مناطق شهدت تعديلات (كل الأماكن اللي فيها اللون البينك والأبيض الفاقع).

– يبدو إنه القصة حصلت من خلال رجوع اللي فبرك الخطاب إلى مراسلات قديمة للشركة (منشورة في مواقع إخبارية)، وقام بقص شعار الشركة (زي ما لاحظنا إنه الشعار نفسه محصلش فيه تغييرات لكن حواليه حصل تعديل، يعني ربما رغبة منه في تفادي التشكيك في النقطة دي باعتبارها سهلة الاكتشاف).

كمان شركة بريزنتيشن أصدرت بيان أكدت فيه إن الخطاب مزور، وقالت:
1- الخطاب المفبرك جملة وتفصيلا ولا ينتمي إلى مخاطبات شركة بريزنتيشن سبورتس الرسمية، وشرحت أسباب عدم صحة الخطاب المزعوم.