حقيقة فيديو سيدة ترتدي زي الرجال داخل الحرم المكي

– الكلام ده غير صحيح. اللي في الفيديو ده راجل مش ست بحسب جريدة سبق السعودية نقلت عن مصادرها إن “القوة الخاصة لأمن المسجد الحرام اشتبهت في المعتمر مساء أمس الأول، وبعد الكشف على هويته والتأكد منها اتضح أنه معتمر في العقد الخامس من العمر ومن إحدى الجنسيات الآسيوية”.✅✅

– كمان الإعلامي السعودي ناصر حبتر، اللي شغال في القناة السعودية الإخبارية، نشر على حسابه على موقع تويتر إن “الفيديو المتداول على أنها سيدة تعتمر في #الحرم_المكي وبعد التحقق والكشف عليه من الجهات المعنية تبين أنه من أصول هندية تم الاشتباه به ليلة البارحه وجرى الكشف عليه واتضح إنه رجل بنسبة 100٪”.

– بعض الناس بتقول إنه ممكن تكون سيدة ولبست كده غلط لإنها متعرفش زي السيدات في العمرة بيكون إيه، لكن لو دققنا النظر في الفيديو هنلاقي موجود أكتر من سيدة حوالين الشخص ده ويبدو إنهم معاه ويعرفوه، ولابسين زي العمرة المعروف في دول شرق آسيا، فأكيد إن لو كان ست مش راجل كان هيلبس زيهم!

كمان لو دققنا في الفيديو هنلاقي إن الشخص اللي بيتقال إنه سيدة واقف حواليه عدد من رجال الأمن وسايبينه عادي، ومعروف إن السعودية مبتتسامحش في حاجة زي دي إطلاقًا، فلو كان ست مش راجل كان على الأقل أخرجوه بشكل فوري خارج الحرم.