Sowdust.github أداة جديدة للبحث في فيس بوك

– في الأيام الماضية ،فيس بوك قفل خدمات أدوات بتسهل البحث على الشبكة، وده سبب أزمة كبيرة بسبب ضعف محرك بحث فيس بوك، وعدم قدرته على تقديم خدمات ونتائج مرضية .

– حاولنا نتابع إيه الجديد في القصة ونشوف إيه أدوات بديلة ممكن تقدم الخدمات دي فلاقينا الأداة البسيطة دي https://sowdust.github.io/fb-search/ من خلالها تقدر تبحث بشكل محدد عن أي شىء في وقت محدد، سواء كانت صور أو فيديو أو صفحات معينة.

– بعد ما تحدد اللي عايز تبحث عنه سواء كان بوستات أو صور أو فيديو أو أشخاص، بتظهر لك إمكانية اختيار نطاق البحث أو الوقت اللي عاوز النتائج تظهر لك خلاله، وبتحدد كلمة البحث (مثلا لو بحثك بيكون خلال البوستات المنشورة)، وتحتها هتلاقى عبارة “Open in new window” لما تضغط عليها هتلقى صفحة تضم جميع نتائج البحث حول الموضوع اللي بتبحث عنه.

** نرجو منكم عدم استخدام الأداة في التعدي على خصوصية أو ملاحقة أشخاص آخرين. فيس بوك قفل أدوات مهمة جدًا بسبب إساءة استخدامها في غير غرضها الأساسي بعيدًا عن التحقق من المعلومات أو استخدامها في أي أغراض مهنية أو بحثية.

** الأدوات اللي اتقفلت أو الأداة دي مش بيقوموا باختراق حسابات أو صفحات فيس بوك، هي بس تعرض المعلومات الموجودة في حسابات الأشخاص بالفعل والمتاح للعامة “من غير الأصدقاء” رؤيتها.