حقيقة شاحنات الشمام الإسرائيلي المحقون بالإيدز

الكلام ده غير صحيح لعدة أسباب:✅✅⬇️⬇️
-أولًا: فيروس الإيدز مش بيتنقل عن طريق الأكل أو الشرب. ✅✅

فيروس الإيدز بيتنقل فقط “من خلال الاتصال الجنسي غير المحمي (المهبلي أو الشرجي) وعن طريق ممارسة الجنس الفموي مع شخص يحمل الفيروس؛ وعمليات نقل الدم الملوّث بالفيروس؛ أو تبادل إبر أو محاقن أو أدوات حادّة أخرى ملوّثة بالفيروس. وقد ينتقل الفيروس أيضًا من الأمّ إلى طفلها أثناء فترة الحمل أو عند الولادة أو خلال الرضاعة”، وده بحسب تأكيدات منظمة الصحة العالمية.✅✅

-ثانيًا: مفيش أي جهة في سوريا أعلنت ضبط الشاحنات دي، ومفيش أي مصدر موثوق للمعلومة.‍

-ثالثًا: دي إشاعة قديمة متداولة من سنة 2007، وكان بيتقال وقتها إن تم ضبط الشاحنات دي في السعودية، ووقتها الحكومة السعودية نفت الكلام ده.

-كمان عادت الإشاعة للانتشار في 2014، وكان بيتقال إن الشاحنات دي تم ضبطها في الأردن، ووزارة الصحة الأردنية ردت على الإشاعة دي أكتر من مرة، آخرها كانت في أبريل اللي فات وقالت “نوجه عنايتكم ان الاردن لا يستورد شمام من أي دولة في العالم وأن كل ما ورد عبر مواقع التواصل من أخبار ومعلومات حول وجود شمام مستورد مصاب أو محقون بالأمراض هو عار عن الصحة”.