- مع كل زيادة جديدة، تظهر مقارنات للأسعار بين مصر ودول أوربية، زي مثلًا اللي جريدة اليوم السابع عملته النهاردة بنشر خبر بيقول إنه "متوسط أسعار البنزين بفرنسا هو 1.54 يورو، وإنه السعر ده يساوي 3 أضعاف أسعاره في مصر".
– فعلًا سعر لتر البنزين في فرنسا حوالي 1.5 يورو لكن دي كده تعتبر معلومة غير الكاملة ومقتطعة من سياقها وزيها زي الخبر الكاذب🤔🤔.
– يعني لازم تكمل المعلومة، ولما تيجي تحسب سعر لتر البنزين في فرنسا بالمصري، لازم كمان تقول إن الحد الأدني للأجور في فرنسا آد إيه مقابل المصري.
– حقيقي إن سعر لتر البنزين في فرنسا بـ1.5 يورو = 28 جنيه، لكنه لازم نكمل الكلام ونقول الحد الأدنى للأجور 1521 يورو = 28.4 ألف جنيه، يعني الحد الأدنى للأجور في فرنسا 14 ضعف مصر، ده بغض النظر عن منطقية المقارنة بين مصر وفرنسا على كل المستويات.
– وحقيقي إن لتر بنزين في مصر بقي الـ92 بـ8 جنيه والـ95 بـ9 جنيه، بس كمان الحد الأدنى للأجور في مصر يساوي 2000 جنية بعد الزيادة الأخيرة يعني حوالي 106 يورو.
– يعني كمان الحد الأدني للأجور في فرنسا (1521 يورو) يقدر يشتري 1014 لتر بنزين لكن في مصر الحد الأدني للأجور (2000 جنيه) يقدر يشتري 250 لتر بنزين 92 فقط🤷♂️🤷♂️.
مراجع التحقق | مصادر الادعاء |
---|---|
Aug. 28, 2024 - اجتماعي
Aug. 27, 2024 - اجتماعي
Aug. 26, 2024 - اجتماعي
مَا من حوار مَعك بعدَ الآن يا محمد..
— متصدقش (@matsda2sh) December 5, 2022
بمزيد من الحزن والألم، ينعى فريق عمل "متصدقش"، صديقنا، وشريكنا المؤسس، الصحفي محمد أبو الغيط.
قاوم أبو الغيط، مرض السرطان، بصبر وشجاعة نادرة، ورضا بقضاء الله حتى آخر لحظة. pic.twitter.com/9lywyhUbzK