حقيقة السماح بزواج أخ من أخته في أمريكا

– الكلام ده غير صحيح. مفيش حكم المحكمة العليا الأمريكية بالكلام ده. ده خبر نشره موقع “world news daily report” الساخر، وبعد كده تم تداوله على إنه حقيقي.✅✅
–
موقع “world news daily report” اللي نشر الخبر هو موقع ساخر وشعاره “الحقيقة لا تهم” وبيقول في تعريفه إنه مسؤول “عن الطبيعة الساخرة لمقالاته وعن الطبيعة الخيالية لمحتواها. جميع الشخصيات التي تظهر في المقالات في هذا الموقع – حتى تلك القائمة على أناس حقيقيين- هي خيالية بالكامل وأي تشابه بينها وبين أي أشخاص، أحياء أو أموات يعد معجزة بحتة”.

– بعد كده انتشر في عدد من المواقع غير المعروفة أو الموثوقة على إنه حقيقية.

– الصورة اللي بتتداول مع البوست ده خاصة بتشارلز كيدان وريبيكا شتاينفيلد، ودول شخصين من بريطانيا رفعوا قضية أمام المحكمة العليا البريطانية للمطالبة بالسماح لغير المتزوجين بالشراكة المدنية بدلا من الزواج، وتم الحكم لصالحهم في 2018.