حقيقة زيادة عدد الأبراج إلى 13

– الكلام ده غير صحيح، الأبراج (المتعلقة بالتجنيم) عددها 12 زي ما هو. ✅✅

– البرج الجديد اللي بيدور الكلام عليه، واللي اسمه الحواء أو الأفعى أو حامل الثعبان هي كوكبة قديمة حددها البابليين منذ آلاف السنين ولها علاقة بعلم الفلك ولكن ليس لها أي علاقة بالتنجنيم (الأبراج اللي بتحدد صفات مواليد كل شخص). ✅✅

– الإشاعة دي بدأت تظهر عام 2011، وأعيد تداولها تاني عام 2016 بعد انتشار بسبب مقال قديم على موقع تابع لناسا اسمه “Space Place” موجه للأطفال، والمقال ده تم تحديثه في 2016.

– مقال “Space Place” اتكلم عن وجود 13 برج، وإن البابليين اكتشوفها من آلاف السنين، لكن مكانوش بيستخدموا غير 12 بس، وبيسقطوا عمدًا من حساباتهم برج الحواء، عشان عدد الأبراج يتوافق مع التقويم بتاعهم اللي هو 12 شهر.

– بعض الأشخاص أخدوا مقال ناسا واعتبروا إن ده اعتراف منها بوجود برج جديد وإن بناء عليه الأبراج بتاعت الناس هتتغير، لكن بحسب المقال نفسه ومن أول فقرة فيه، بيتم التأكيد إن المقال متعلق بعلم الفلك، مش التنجيم بتاع الأبراج اللي هو مش أكتر من حاجة مسلية زي القصص الخيالية.