زائف


– كلام المهندس ساويرس Naguib Sawiris غير صحيح، المصرية للاتصالات مر على إنشائها وتقديم خدماتها نحو 165 سنة. ✅✅ – بالفعل جراهام بل حصل على براءة اختراع التليفون عام 1876، لكن أصول الشركة المصرية للاتصالات بترجع لعام 1854 من خلال افتتاح “أول خط تلغراف” يربط بين القاهرة والإسكندرية، وبكده يبقى مر على إنشائها 165 سنة. …


احتفال المصرية للاتصالات بتقديم خدماتها قبل اختراع التليفون

Aug. 03, 2019 -  منوعات
احتفال المصرية للاتصالات بتقديم خدماتها قبل اختراع التليفون
احتفال-المصرية-للاتصالات-بتقديم-خدما
الإدعاء

- رجل الأعمال نجيب ساويرس ناشر تغريدة عبارة عن صورة مكتوب فيها: "جراهام بل اخترع التليفون سنة 1876 يعني من 143 سنة ازاي بقى المصرية للاتصالات تحتفل بمرور 160 سنة على تقديم خدماتها للجمهور"، ومعلق عليها بيقول: "و فيها ايه ما هو كان شغال عندهم

نتيجة التحري

– كلام المهندس ساويرس Naguib Sawiris غير صحيح، المصرية للاتصالات مر على إنشائها وتقديم خدماتها نحو 165 سنة. ✅✅

– بالفعل جراهام بل حصل على براءة اختراع التليفون عام 1876، لكن أصول الشركة المصرية للاتصالات بترجع لعام 1854 من خلال افتتاح “أول خط تلغراف” يربط بين القاهرة والإسكندرية، وبكده يبقى مر على إنشائها 165 سنة.

– عام 1854 كان بداية نشاط قطاع الاتصالات في مصر وإنشاء أول خط تلغراف يربط بين القاهرة والإسكندرية، وكان يدار من قبل الشركة الشرقية للتلغراف، قبل أن تشتريها الحكومة المصرية.

– أول خط تليفون أرضي اتعمل في مصر قبل 138 سنة وكان سنة 1881، وكان بيربط بين القاهرة والإسكندرية. وفي سنة 1883 توسعت خطوط التليفون لتصل إلى الإسماعيلية وبورسعيد والسويس وطنطا والزقازيق والمنصورة.

– سنة 1918، الحكومة المصرية اشترت الشركة الشرقية للتلغراف مقابل 755 ألف جنيه، ونقلت ملكيتها إلى سلطة البرق والهاتف. وبعد كده انتقلت تبعية الشركة لعدد من هيئات الدولة أكتر من مرة، وفي 1998 اتحولت الهيئة القومية للاتصالات إلى شركة مساهمة مصرية باسم “الشركة المصرية للاتصالات”.