زائف


– الكلام ده غير صحيح. المشروع هو مبادرة حكومية ممولة من البنك الدولي.✅✅ – حملة مسح فيروس سي والأمراض غير السارية، بتأتي ضمن خطة الحكومة لتحسين نظام الرعاية الصحية في مصر، والخطة كاملة بتتكلف 992.5 مليون دولار، البنك الدولي قدم قرض بـ530 مليون دولار للمساهمة فيها، والحكومة هتدفع الباقي. – 265 مليون دولار من القرض …


حقيقة تمويل منظمة الصحة العالمية حملة القضاء على فيروس سي

Dec. 05, 2018 - صحة
حقيقة تمويل منظمة الصحة العالمية حملة القضاء على فيروس سي
حقيقة-تمويل-منظمة-الصحة-العالمية-حملة
الإدعاء

- بوست منتشر بشكل كبير جدًا بيقول: "طلع موضوع معالجة المصريين من فيروس سي دا اللي عامله وصارفة عليه من أول المعدات لحد الدوا منحة من منظمة الصحة العالمية لإن مصر أكبر دولة فيها نسبة فيروس سي وعاوزين ينسبوه لواحد صاحبنا، ميعرفوش إن العالم بقى أوضتين وصالة ومنفدين على بعضهم".

نتيجة التحري

– الكلام ده غير صحيح. المشروع هو مبادرة حكومية ممولة من البنك الدولي.✅✅

– حملة مسح فيروس سي والأمراض غير السارية، بتأتي ضمن خطة الحكومة لتحسين نظام الرعاية الصحية في مصر، والخطة كاملة بتتكلف 992.5 مليون دولار، البنك الدولي قدم قرض بـ530 مليون دولار للمساهمة فيها، والحكومة هتدفع الباقي.

– 265 مليون دولار من القرض اللي قدمه البنك الدولي اتخصصوا لحملة مسح وعلاج فيروس سي والأمراض غير السارية.

– القرض اللي قدمه البنك الدولي هيسدد على 35 سنة وفي فترة سماح 5 سنين، ورسومه 0.25% على مجمل القرض، وبفوائد بسيطة تبلغ 0.25% سنويًا على الرصيد غير المسحوب.

– الكلام عن حملات للقضاء على فيروس سي في مصر، بدأ في الظهور مع تولي الرئيس عبد الفتاح السيسي للرئاسة، بداية من سنة 2014، وتحديدًا في سبتمبر 2014 وزارة الصحة دعت المواطنين الانضمام للحملة القومية لمكافحة الفيروسات الكبدية، وأتاحت حجز موعد للكشف في المراكز المختلفة بمحافظات الجمهورية، تبعًا لمحل الإقامة المسجل ببطاقة الرقم القومي، وقوائم انتظار للعلاج. AbdelFattah Elsisi – عبد الفتاح السيسي

– ارتبط ده كمان مع خفض تكلفة العلاج اللي بقي كورس السوفالدي سعره لا يتجاوز الـ2000 جنيه، نتيجة تصنيعه محليًا عن طريق شركات أدوية كتير، وبقي العلاج متاح ومتوفر، بجانب إمكانية الحصول عليه مجانا عن طريق وزارة الصحة لغير القادرين.

– وفي يونيو 2016 صندوق تحيا مصر أعلن إطلاق “افحص واترك العلاج على صندوق تحيا مصر ..مصر بدون فيروس سى فى 2018″، وكان وقتها الكلام على إن الصندوق هو اللي هيمول الحملة، لحد ما نجحت مصر في الاتفاق مع البنك الدولي على دعم مشروع الرعاية الصحية في مصر ومن ضمنه إجراء مسح قومي شامل لفيروس سي وعلاج المصابين، وتم توقيع الاتفاق في يوليو اللي فات.

– كل الخطوات السابقة، وبعد توقيع اتفاقية قرض البنك الدولي في يوليو الماضي، انطلقت مبادرة في أكتوبر الماضي أطلق عليها “مبادرة الرئيس عبدالفتاح السيسي ١٠٠ مليون صحة للقضاء على فيروس سي والأمراض غير السارية”، لإعلان مصر خالية من فيروس سي بعد عام ونصف من انطلاق المسح. والحملة انتهت حتى الآن من فحص نحو 16 مليون مواطن بحسب وزيرة الصحة الدكتورة هالة زايد.