حقيقة القبض على خلية إرهابية في سيناء منذ أيام

– الكلام ده مش صحيح، والصور دي قديمة ✅✅
كمان مفيش أي معلومات أو جهات رسمية اتكلمت عن شىء زي ده، زي صفحة المتحدث العسكري مثلا أو أخبار في الصحف.

– بالنسبة لأول صورة في البوست، فهي من العراق وتاريخها أبريل 2013. وقتها كانت عن إلقاء قوات أمن عراقية القبض على على أربعة عناصر يرتبطون بتنظيم القاعدة ومطلوبين للقضاء العراقي خلال حملات في قضاء الحويجة (55 كلم غربي كركوك).

– أما الصورة الثانية، فهي من مصر، لكن من سنة 1983، وتم التقاطها خلال تدريبات النجم الساطع اللي بيتم تنظيمها في مصر مع الجيش الأمريكي.
– البوست ده متداول بنفس النص من شهور، وأول تداول ليه كان في 13 مايو الماضي في جروبات فيس بوك بدون أي سند أو مصدر موثوق برضو.
* أحدث معلومات منشورة عن ضبط “خلايا إرهابية” لم تتطرق إلى سيناء، وإنما كانت من قبل وزارة الداخلية، اللي ذكرت في بيان النهاردة إنه جرت مداهمات واشتباكات في نطاق المنيب (الجيزة) ومدينة السلام (القاهرة)، أسفرت عن ضبط ومقتل إرهابيين.