حقيقة صورة ابنة خالد الجندي

– اللي في الصورة الأولى دي مش بنت خالد الجندي. دي منة طارق العتال، والصورة التقطت في سبتمبر 2016، خلال حفل زفافها على أحمد مجدي عبد الغني، نجل عضو مجلس إدارة اتحاد كرة القدم مجدي عبد الغني. 

كمان في نفس الوقت، في صورة تانية منتشرة للجندي وهو واقف جنب الفنانة فيفي عبده. ، لكن دي مفبركة، الصورة الأصلية التقطت لفيفي عبده في 2014 خلال حفل زفاف بنتها، وتم دمجها مع صورة الجندي هو ومنة العتال عشان تظهر كصورة واحدة (الصور الأصلية في الكومنتات).

– وقت انتشار صورته مع فيفي عبده، أكد الجندي إنها مفبركة، وقال: “إلى الذين يفبركون الصور ويأكلون لحوم العلماء وينهشون أعراض أهل القرآن، موعدنا جميعًا يوم العرض على الله عز وجل”، مستشهدًا بقوله تعالى: “وتحسبونهُ هيّنًا وهو عند الله عظيم”.

– انتشار الصورة دي متزامن مع تصريحات للشيخ الجندي أثارت جدل كبير جدًا، في سياق تفسيره لبعض آيات القرآن، وقال فيها: “هو عيب إنك تبقى شيخ السلطان، ده اللي ميبقاش شيخ السلطان حياته قطران، وآخرته قطران. أومال إنت شيخ مين؟ مين اللي عين السلطان عليك؟ مين اللي اختاره ليك؟ هو مين اللي قالك أطيع السلطان؟ مش الملك اللي قال في صورة النساء (يا أيها الذين آمنوا أطيعوا الله وأطيعوا الرسول وأولي الأمر منكم)؟ يالله اتريقوا على الآية. يالله ذلت ألسنتكم بكفر إذا أردتموه أن تخطئوا في الآية أو تتهكموا عليها. ستبقى تلك الآية عنوانًا على انضباط الأمة”.

– دي مش أول مرة الصورتين ينتشروا فيها. سبق قبل كده وانتشرت صورة الجندي مع منة العتال واتقال إنها بنته وأوقات كان بيتقال إنها زوجته وهو نفى الموضوع. وكمان صورته مع فيفي عبده انتشرت قبل كده أكتر من مرة.